王菀之挑戰迷宮難過減肥

蜜運中嘅歌手王菀之（Ivana）無論喺歌唱定演藝道路上都發展得相當順利，不過講到玩迷宮佢就似乎唔多順利，自言係「史上唯一一位紅館舞台上迷路嘅女歌手」嘅Ivana，近日就孖住小儀挑戰行透明迷宮，佢直言：「難度比減肥有過之而無不及......」見佢喺迷宮內一臉茫然嘅自拍就知有幾難行，佢話：「結果，我嘅時間係小儀嘅三倍，確係威水。」一逃出迷宮，Ivana就急不及待喺出口舉手跳起影相，佢行完之後更得戚咁挑戰網友：「咁你用咗幾耐時間完成呢又？」