翠如攞女飛躍　男友冧爆

之前是非多多、盛傳備受冷落的黃翠如，最終擊敗一眾對手，勇奪「飛躍進步女藝員」獎。翠如BB上台領獎時，十分識做地多謝無綫各大高層：「多謝珍姐，畀我演員嘅生命。多謝SANDY（余詠珊），喺我讀書時，你揀我出嚟，缺點到依家都無咩變，好彩優點都仲喺度。多謝樂小姐，多謝所有愛我嘅人。」翠如BB說到此處時，全場即起哄，而鏡頭亦馬上影住翠如男友蕭正楠，只見蕭公子一面尷尬，兼笑得十分甜蜜，令到台上的翠如BB亦即時露出甜笑，並續謂：「將所有祝福送畀香港人，多謝大家。」