蔣志光奪獎唱歌　祖藍喊到甩妝

最佳男配角眾望所歸由憑《老表，你hea！》唱歌到唱喺網上爆紅嘅蔣志光奪得，宣布後，蔣志光即繞場一周，和一眾小生花旦擁抱，上屆女配角得主江美儀頒獎更獻吻，與蔣志光嘴對嘴。

蔣志光發表感言時，先感謝主，然後再多謝公司一眾員工，他感慨謂20年前得到歌曲獎，20年後的今日終獲得演技的獎項：「兩個都同歌唱有關。」他續言：「千里馬需要伯樂，20年前出現過，但係我愛自由。20年後出咗一個騎士，佢身都好似，佢話會帶我去到終點，多謝王祖藍！。」

蔣志光得獎全場感動爆喊，當中王祖藍、鍾嘉欣、樂易玲等都被電視拍到落淚，祖藍更喊到甩妝，出一大條淚痕，場面感動又搞笑。蔣志光之前謂萬一奪獎會即席獻唱，他亦有履行承諾，唱出鍾嘉欣的《最幸福的事》。