阿佘眾望所歸拎視后！

最佳女主角由大熱門佘詩曼憑《使徒行者》丁小嘉（釘姐）一角奪得，阿姐汪明荃頒獎前仲大讚阿佘「冇得輸」，最後阿佘以全民投票50%中得到28.6%，而專業評審就得到全部50%嘅支持，大比數揮低一眾花旦。

連攞兩獎嘅阿佘直言好緊張，佢話：「多謝TVB令我人生更精彩，攞獎並唔容易，要付出好多，要好好彩，我好好彩得到好角色，遇到好監製文偉鴻。」之後阿佘一提起媽咪即眼泛淚光，感動話：「我成日壓力好大，好忟，但係佢都會以燦爛嘅笑容對住我，多謝有你喺我身邊。」演技超晒班嘅阿佘仲話「冇最好只有更好」，一定會繼續努力！阿佘，加油！