《使徒行者》奪劇集獎　阿佘抱抱監製

最佳劇集由《使徒行者》奪得，《使》劇喺觀眾投票50%中得到20.3%、專業評審50%中得到41.6%，兩個項目都係最高票數。

一眾主演演員佘詩曼、陳敏之、江美儀、高海寧、許紹雄等，都有出頒獎台分享喜悅，敏之同美儀都有眼泛淚光，而阿佘仲同監製文偉鴻嚟個擁抱。文偉鴻發表感言時，不忘多謝幾位編審，佢仲大讚一班主演演員：「畀人睇到哋嘅潛質！」之後佢仲話會繼續創作、拍攝更好嘅劇集畀大家：「要將喜悅放低，謙虛聆聽觀眾嘅心聲，希望大家一齊煲劇！」