阿佘自爆封后前零信心

新鮮出爐雙料視后佘詩曼、視帝郭晉安及最喜愛男角色得主許紹雄，之後齊齊接受黎芷珊等訪問。阿佘直言拍該劇很高難度：「呢套戲要一次拍三個阿媽離開，我接到套戲時，聽到已經毛管戙。但我知個角色係度身畀我。」談到第二次封視后，阿佘直指之前沒有很大信心：「感覺好似八年前案件重演咁，因為攞咗最喜愛角色，所以我以為無架喇，點知兩次都有，心情唔同晒，好開心好珍惜！想唔想攞第三次？我每次拍劇都無諗攞獎。」

安仔唔想NG怕聲沙

至於三度封視帝的安仔，則表示：「獎係唔會攞慣嘅，有獎係好大鼓勵，坦白講，呢個角色係監製設計畀我，我有責任演繹出嚟。」他又直指背對白很難：「一次要背十幾頁，我覺得唔好令到自己有NG機會，因為驚把聲會沙。」問到為何劇集出街時，要匿埋廁所喊，安仔笑：「因為播出時嘅反應好好，好多同事走埋嚟畀讚賞我，我好感動，所以匿喺廁所度喊。」