容祖兒與佛有緣　揭阿Sa拍戲搞到抑鬱

樂壇天后容祖兒（Joey）出席佛教慈善音樂會，原來Joey與母親都偏愛佛教，而Joey更曾經抄寫佛經：「其實我好多年前仲唱過心經，出過碟，不過冇乜人知。」今次獲邀，可能與佛有緣，並會現場獻唱心經。至於會否出佛碟？Joey沒有刻意安排，要看緣分而定。而Joey晚上身穿露背裝赴會，她說：「今日揀嘅色都比較樸素同密實，但後面顧唔到咁多，同埋要符合場合莊嚴，所以都幾難揀。」

工作毋須同男友備案

談到好友蔡卓妍（阿Sa）的新戲海報造型大膽，Joey亦有留意：「覺得好震撼，都好期待，聽講佢全裸，佢都話希望大家唔好抱色情角度去睇，套戲有深遠意義。」她亦指阿Sa在拍攝期間好辛苦，情緒受到影響：「佢心情好低落，有少少抑鬱症，嗰陣有約佢食飯同去玩，依家都冇事。」問她如果接拍這類型題材的電影是否要向男友劉浩龍備案？她說：「我哋比較被動，係等機會，如果有好嘅機會要爭取，唔使交代，都希望阿Sa今次成功。」