里斯本被集郵　謝霆鋒去到邊都有粉絲

大家都以為謝霆鋒會忙住拍拖，點知眨吓眼已經飛咗去葡萄牙里斯本！即使遠在異國，霆鋒依然難逃被「捕獲」。有當地華人喺里斯本老城區遇見霆鋒，即刻上前「集郵」，令當地華人為之瘋傳！

一個葡萄牙華人社區微博就上載呢張合照，仲爆料話霆鋒此行係去拍廣告：「謝霆鋒來葡拍廣告閒餘，在里斯本老城區溜達逛街，某僑胞悄悄碰見，幸運追星合影，引得葡萄牙華人微信圈一陣追風，華人的世界華人的明星，祝謝霆鋒在葡萄牙一切順利，有空來華人區看看。」相中霆鋒一身輕便服裝，右手拿熱飲，而眼神亦一如以往咁，一個字，Chok！