張兆輝鬧市被陳敏之擒住咀

藝人張兆輝（輝哥）與陳敏之現身太子，為無綫新劇《性在有情》拍攝一場重頭戲。二人在鬧市爭取時間對稿，埋位後輝哥即更被敏之猛力推向牆，更被捉實塊面強咀長達十秒！輝哥被狂吻後一臉愕然…好戲到連導演都感到驚訝。

劇中飾演性社工的輝哥經常遇到奇難雜症，在幫助病人解決性問題時會爆出好多笑料。問有否遇上男性問題？輝哥自誇健康好好。問會否讓子女收看這個敏感題材的劇集？輝哥說：「我拍嘅作品，佢哋都會睇。仔女都係從書本學性教育，畀佢哋教番我添！（擔心敏感題材？）唔會，佢哋（性）知識多過我！」

敏之向老公灌輸性知識

問與人妻敏之在鬧市拍激咀戲可會尷尬？輝哥坦言「未驚過」：「唔會緊張，我同佢好合拍！」問會否擔心雙方的另一半詐型？二人異口同聲話冇問題，輝哥更笑說：「我哋就係咁先有默契！」

至於扮演性治療師的敏之自認了解角色：「依家講解性知識仲好『熟手』。」問榮升人妻的她會否學以致用？敏之怕醜地暗示冇時間「造人」：「未有時間用呀！睇拍劇後會點，（教老公性知識？）向佢灌輸啲！」