代言人要做咩？楊鎧凝萌爆話：好似香港小姐咁！

美心妹妹楊鎧凝（Celine）出席數碼產品活動，更獲委任成為產品的香港及澳門區代言人，大會亦向她送上個人相薄作為紀念。活動上Celine妹妹表情多多、動作可愛，冧到觀眾們非常開心。

訪問時Celine謂自己很喜歡影相，不論畀人影或者自拍，仲表示自己都會幫別人影相！問她可知代言人有何工作，年紀輕輕的她亦回應得體：「好似香港小姐咁做宣傳！（係咪收好多錢錢？）有相薄送畀你！」萌度十足！

Celine妹妹又謂今日參與學校聖誕派對，更烹煮了雞翼回學校跟同學仔一起吃，不過就沒有交換禮物，問她想收到甚麼聖誕禮物，她盡顯孝心謂：「一隻無毛嘅貓！（點解要無毛？）因為爸爸鼻敏感！（咁你會送咩畀細佬呀？）送車！（模型車定揸得嗰啲？）揸得嗰啲！（你好有錢？）係掛？」