薛家燕爆佘詩曼心有所屬

薛家燕現身工展會，為代言產品站台。談到近期忙於與張智霖及佘詩曼合拍新片《十月初五的月光》電影版，有指袁詠儀為佘詩曼（阿佘）打爛醋呈，家燕姐笑說：「要呷都呷我醋啦，我覺得冇可能囉，大家好似一家人咁，阿佘心有所屬呀，阿邊個返咗嚟嘛。」家燕姐由始至終冇開名，不過不難推測所指的極有可能是鄭嘉穎。

即將到來的平安夜及聖誕，家燕姐剛巧不用開工，卻獲《十》片工作人員安排她舉家到澳門遊玩：「平時各有各忙，今次係好機會享吓天倫樂。」至於有指龍劍笙早前於演出慶功宴上向白雪仙跪地道歉，家燕姐謂：「當晚我都喺度，冇見到咁，仙姐好錫徒弟嘅，謠言真係唔可信。」而明年家燕姐將旗下藝術學校推廣到內地，相信工作量會倍增。