王馨平談愛情觀爆嘉穎求牽紅線

王馨平在有線節目《往事‧並不如煙》接受黎燕珊訪問，暢談愛情觀。自小父母離異的王馨平坦言，父親王羽對她管教嚴格，家庭未有影響她的愛情觀。

提到入行後曾與鄭嘉穎交往，被外界視為金童玉女，但卻傳遭王羽高調反對而分手。馨平表示即使是嚴厲的父親，亦不可能左右她的感情，她說：「其實當時Daddy係唔支持我哋，因為我入行前佢要求過我唔可以同圈中人拍拖，不過感情事冇人控制得到，Daddy都控制唔到我同邊個拍拖。雖然我同嘉穎分開咗，不過我哋到依家仲有見面。好多人會問我知唔知佢依家有冇拍拖，我好少主動問佢感情事，不過上次同佢見面食飯，佢就答我冇拍拖，仲叫我介紹女仔畀佢識。」