譚詠麟新書爆往事就係唔寫感情史

歌手譚詠麟（校長）現身APM為新書舉行簽書會，現場近500人支持，逼爆至商場二樓，校長直言平日簽唱片多，簽書還是第二次，上一次更是29年前的事。在新書中校長更找來圈中好友一同憶述當年往事：「全部都一口應承幫我手，有啲故事仲係我睇番先知，有啲朋友有會講番一啲本身我冇心做嘅嘢，但佢哋睇到有意，我仲叫佢哋寫嘅時候唔好畀我睇住，等出咗先畀我睇。」講到誰寫得最感動，校長就話林子祥（阿Lam）的那一段最令他感動：「其實個個都好感動，不過阿Lam嗰段就用英文寫，仲指定要用親手版，唔畀我落番電腦。」

校長又講到新書中會寫過去經歷的事的心情，好似決定不再拿獎時的心情亦包括在內，問到校長最愛那一部分，校長笑言：「每一部分都鍾意，全部都係屬於我，人生入面咁多姿多采，真係不枉此生。」問到有否加入感情史，校長就笑說：「嘥氣啦，我點會講你知！」