經理人證Mandy Lieu有孕　默認洗米華骨肉

混血模特兒Mandy Lieu與太陽娛樂集團老闆周焯華（洗米華）的戀情轟動全城，早前周焯華與太太陳慧玲現身公開活動時，陳慧玲明顯肚凸凸，孕味甚濃，與此同時，Mandy Lieu被拍得現身醫院，並傳出有身孕，有說是女胎，預產期明年五月。

情緒低落

有關懷孕之事，Mandy Lieu未有回覆，但其經理人Marie就承認Mandy懷孕一事，至於Mandy Lieu肚內BB的父親是否周焯華，Marie說：「我唔否認，遲啲你哋咪清楚，佢依家已經全面停晒啲工作，（Mandy有何打算？）都會生啦，冇理由有咗唔要，呢個係責任，（係計劃？）應該唔係啦，佢依家先29歲，仲後生。（Mandy喺馬來西亞？）佢唔喺香港，但喺邊我就唔知，不過佢心情好複雜，情緒好低落，因為都唔知自己咩身份，有少少覺得前路茫茫！」