美國突破1500萬粉絲　GEM寄親手整曲奇？

樂壇小天后鄧紫棋（G.E.M.）人氣強勁，閒閒地上載一張食物照都有幾萬個like，不過愛健身的G.E.M.大把Quota，連日來係咁上載美食照勁擦得，連自己都覺得唔好意思：「我知道我去這趟美國發的東西只有錄音跟吃飯…但請讓我最後多發一張吃的可以嗎？因為我真的好愛吃Chipotle，允許我激動一下嘛！」好在G.E.M.非常識做，自己食之餘都記得預埋粉絲個份：「好啦換話題，不然我們討論一下突破1500萬粉絲你們想要什麼福利？我要做曲奇餅嗎？但我怕寄過去都碎了！」G.E.M.咁多粉絲，如果真係要寄曲奇，真係開餅房都唔掂呀！