靚靚張智霖衝上雲霄　不忘睇《東方日報》

袁詠儀（靚靚）同張智霖（Chilam）一向係圈中嘅金童玉女，佢哋除咗相愛多年都恩愛如昔，仲齊齊擁有青春嘅秘密，真係羨慕死人。

呢日，呢兩位童顏藝人準備起飛到韓國首爾血拼，仲喺飛機上自拍大晒童顏。不過呢張相嘅亮點，除咗係兩位靚人之外，Chilam拎住嗰份《東方日報》都係亮點，因為上面有佢有份主演嘅新戲廣告，呢位仁兄真係好識宣傳呀！

而靚靚就一早鎖定好血拼目標，喺網上留言謂：「我們來了！面膜！等我！」