復合有機！同鄭嘉穎過電？阿佘：我唔識答

佘詩曼帶病出席《萬千星輝頒獎典禮2014》慶功宴，對於被家燕姐爆料指她與舊愛鄭嘉穎在眼神上過電，阿佘口窒窒指：「佢太敏感啦！（真係過電？）唔係，我係畀阿媽（指家燕姐）過咗一棟，真係多謝佢啦。」家燕姐即在身旁力sell鄭嘉穎說：「其實嘉穎唔錯架！佢成日收收埋埋咁，遲啲我訪問佢問清楚！」其後家燕姐準備離開前更拋下一句：「你哋真係要多啲嚟澳門，話唔定有人嚟探班架！」令阿佘哭笑不得。

聞嘉穎唔復合　阿佘：點解會咁

阿佘繼續被追問二人是否過電？她說：「我唔識答！（嘉穎之前喺無錫話唔會復合？）點解會咁？我呢幾日病到瘟下瘟下，無追新聞。」阿佘又謂將於內地出席活動，又會回港參加倒數活動，至於平安夜將如何度過？她則表示與七魔女（周家蔚、姚樂怡等等）齊齊在家慶祝。