陳法拉素顏擦蟹遮半面　網民求露「全相」

前無綫花旦陳法拉自從上年同太子爺薛世恒分手後，一直處於單身狀態。一眾網友都十分期待佢幾時有新戀情。時值大閘蟹水尾，法拉女神就喺微博貼咗一張大閘蟹食前嘅相片，疑似素顏嘅法拉女神仲以大閘蟹遮面，樣子睇落十分清純！

法拉喺微博寫道：「等了好久，終於吃到大閘蟹！還有N道好吃的家常菜，被寵的孩子好幸福！」唔知邊個咁有幸可以寵愛法拉呢？有眼利嘅網友發現佢左手中指上戴咗隻戒指，惹來新戀情疑雲！