胡鴻鈞密密出騷賺錢買樓

歌手胡鴻鈞（Hubert）出席聖誕活動，活動在戶外舉行，雖然落着微微細雨，但仍有數十名粉絲到場支持。Hubert除了獻唱歌曲外，更與現場觀眾大玩遊戲，歡度聖誕。

孖屋企人食大餐

提到Hubert最近頻頻出騷，他就笑說：「好好彩，多謝啲客戶邀請！（係咪賺好多？）開心嘅！因為有能力可以養自己！」他又謂會請家人食大餐，但不會特別買禮物，因為他們亦不希望自己破費。問到會否獎勵自己，他就坦言很少花費，因為想儲錢買樓：「依家短期目標係想買樓！不過我又無特別定一個期限，只係想盡快去達成呢個目標！」

笑Mag大懵

Hubert又表示收到很多粉絲送的聖誕禮物，特別是親手製的食物，他更笑言會立即在粉絲面前吃掉，因為自己經常肚餓。而提到好友林欣彤（Mag）誤把電子蠟燭當成真蠟燭一事，Hubert就笑說：「佢係咁架！成日都好大懵！所以一班朋友都係充當保護佢嘅角色。（你又大唔大懵？）都會嘅，有時啲嘢擺咗落自己袋度，但我又會唔記得咗。」