黃心穎樂做BB：叫多幾年啦！

無綫藝員黃心穎日前出席聖誕商場活動，更以一身聖誕女郎look示人，非常應節。除此之外她又在台上大開金口獻唱聖誕歌，令在場的粉絲們high爆歡呼！

訪問時提到她的「應節紅裙」，心穎謂穿上紅衣應節倍感喜氣洋洋，不過她就透露今年聖誕節要在工作中度過，她謂：「今日係夢寐以求咁喺工作中度過。（拍劇？）係呀！拍無綫劇《東坡家事》，但係聽講嗰日唔使全日開工，夜晚可以同爹哋媽咪食聖誕大餐。不過我媽咪喺溫哥華返咗嚟一個星期我都未見過佢，因為太忙喇。」

提到無綫劇《東坡家事》中的另一演員馬賽的近況，心穎表示馬賽開工時未見有失落感覺，非常精神，自己與馬賽亦不時同場做戲，心穎與馬賽亦有講有笑。

提到心穎在今年十二月初獲得香港搜尋網站的獎項，她表示這是她入行以後第一個獎，她謂：「好開心，估唔到自己會拎獎，（心穎BB的綽號更加鞏固？）我都好嚮往畀人叫BB，因為聽落好親切，又年輕啲，我都希望可以畀人叫多幾年啦！」