鍾嘉欣十年之癢　恨去尖咀睇燈飾

無綫花旦鍾嘉欣十分懷念溫哥華的聖誕節，來港十年的她則希望在香港一嘗到尖沙咀睇燈飾的滋味，她說：「自己最鍾意聖誕節，外國地方大，聖誕商場、房屋、燈飾都裝飾得特別浮誇，好有氣氛。嚟咗香港十年，但係都未去過尖沙咀睇燈飾，真係好恨去睇，但係咁多人要去睇就有難度，或者要扮聖誕老人先唔會被人認出。」

嘉欣小時候屋企環境不好，父母要到志願機構領取二手聖誕禮物，到聖誕節一起身走出心廳，就會見到一大個黑色垃圾袋，她和哥哥、姐姐齊興奮拆禮物，雖然是二手玩具，但已令她們十分開心，鍾嘉欣：「好難忘父母用垃圾袋包裝嘅聖誕禮物，呢啲都係佢哋嘅心意。依家自己包聖誕禮物都會用報紙、舊花紙，環保啲，唔好浪費。」