Bobby蚊蚊搞喊壽星女蝦頭

歐陽震華、萬綺雯及黃心穎等近日忙於拍攝劇集《東坡家事》，儘管聖誕節要開工，他們都樂此不疲地着古裝開P歡度聖誕。他們昨晚更為今日39歲生日的蝦頭提早送上驚喜，趁蝦頭與泰臣（翟凱泰）拍完一場感情戲後，突然彈出送上蛋糕及禮物，令蝦頭感動落淚，場面溫馨！而正在隔籬廠拍攝劇集《性在有情》的阮兆祥亦特地送上蝦條作禮。

長壽杯麵氹番

蝦頭接受電話訪問時指一班演員最近朝夕相對，已培養出如家人般的感情：「好感動！蚊蚊準備嘅兩個蛋糕超好食，佢哋又送咗生日卡，上面係用毛筆寫字，好得意，其實我同泰臣拍劇仲係初哥，今次多得Bobby、蚊蚊等前輩教咗我哋好多嘢。（生日願望？）希望目標都一一實現。（結婚？）男友都未有，冇諗啦！」而專程到西貢買蛋糕氹蝦頭的蚊蚊說：「因為嗰間係出名好食同Handmade，仲要先到先得！好易賣晒，結果佢好好彩有兩個！我哋又送咗五顏六色嘅杯碟、零食同長壽麵，其實即係杯麵！大家寫晒個名上去！」她又踢爆蝦頭拍感情戲後已相當激動，結果又喊又笑相當有趣！

心穎體重激增

至於心穎則笑言劇組日日開大食會，令她增磅不少：「大家都有個零食箱，好彩之前我太瘦，依家啱啱好，但都要控制吓，唔可以肥落去。」提到日前與浩信拍攝結婚戲，飾演其二哥的Bobby及二嫂的蚊蚊為她整理紅衣及紅布，又細心叮囑，笑言像真的出嫁。