台灣玩自拍　徐熙娣唔小心影到蔡康永挖鼻？

台灣女星徐熙娣（小S）一向係搞笑能手，仲經常整唔同類型嘅醜態引大家笑，佢喺微博上載喺化妝間嘅自拍，並留言：「要開始使用右臉了，一直都用左臉做表情，右臉都僵了！後面那位應該不會跟我計較吧！」焦點瞬間落咗喺後面打側身喺度讀稿嘅神秘人身上，唔少網民都認到係小S嘅節目拍檔蔡康永，小S將佢疑似挖鼻嘅一刻同大家開心share，同樣鍾意搞笑嘅蔡康永應該唔會介意嘅。