商天娥帶定靚酒等郭晉安請食飯

藝人商天娥在維園工展會出席家居品牌活動，第八年出席活動的她謂：「都係玩遊戲，送禮物！」雖然娥姐已經預早出門，但因塞車最後無意遲了40分鐘：「兩點鐘塞到依家，我搬咗去新界呀！（報道）又講我遲到喇？所以我要退休囉！」

問新年有何慶祝活動？娥姐直言會與家人度過：「出門口嗰時接到電話禮拜五安仔（郭晉安）請食飯，佢憑《忠奸人》拎視帝嘛！我仲問佢有冇嘢要帶，佢就話『冇喇，你帶個人嚟』，我就話會帶啲酒嚟。」她又表示不久會去旅行，問會到哪裏玩？她就話會去陽光與海灘：「係咁架啦！凍咗咁多日！（飛機失事喎！）塞車嗰時望電話都話搵到飛機殘骸，所以……不過整定嘅。我過年或者去新加坡。」

雖然10月尾時已經與無綫的合約已經結束，但她仍然心繫無綫：「其實有傾過，但就話想休息吓先。（爭緊啲條件？）冇話爭緊咩，我都同公司同珍姐（曾勵珍）講，有啲咩就搵我。我冇走到嘅，個約冇咗啫！」