張智霖霸氣吸過億續約三年　蕭定一：益咗我！

張智霖（Chilam）以「大亨」造型於尖沙咀出席「中國3D數碼娛樂有限公司三週年晚宴暨張智霖續約儀式」。提到續約細節，Chilam表示之前與電影公司老闆蕭定一簽下三年合約，目前已完成頭一年合約，今次再續三年。問到他續約條件是否十分豐厚，Chilam自爆今年多稅交：「呢啲要問返蕭生，我哋都唔講錢。（八位數字續約？）唔講，啱啱去完會計，今年要交好多稅！」提到他是否「入股」蕭定一公司，Chilam笑說：「有Plan合作，喺公司上嘅合作。（入股？）嗰啲咁嘅嘢啦，你唔覺我今日（衣着）似大亨咩？」

談到郭富城日前的負面新聞，Chilam開腔力撐對方：「佢出咗聲明，佢係遭人誣蔑。我絕對信任我呢個朋友，（問對方？）唔需要問，我答完喇！」

大讚Chilam賺錢能力高

同場蕭定一透露將與Chilam以拍檔形式合作：「喺公司上有合作，同佢除咗賓主形式外，仲會以Partner形式。（對方入股？）有Plan過，但未實行！（送股份畀對方？）呢個世界冇免費午餐，但佢值得有咁多收入。」問到Chilam是否為他賺大錢，蕭定一即對Chilam讚不絕口：「我哋合作得好開心，佢明白事理，賺錢能力好高！」有指他以高達八位數字與Chilam續約，蕭定一自爆以「合理價」成事：「七位、八位數？好似唔止喎，如果以每年（收入）計，佢真係益咗我！依家續多三年，合約去到2019年9月。（續約金數以億計？）合理啦！做人唔好咁市儈！」