王敏奕恨爆再去馬國工作

藝人王敏奕（Venus）近年人氣急升，故而獲得不少工作機會，對於早前在馬來西亞拍攝的賀歲電影《麻雀王》即將上映，她興奮表示：「自己好回味喺馬來西亞嘅拍攝時光，杜生（杜汶澤）不時約埋我同工作人員周圍去食嘢，當地真係有好多美食，諗起都好想去多次。（食咁多唔怕肥咩？）雖然我哋早午晚都狂食，但我都會約埋杜生一齊做運動，所以唔會太擔心。」而在電影中Venus會飾演杜汶澤的女兒，亦首次出演喜劇角色。