蔡少芬被打荷包：望衰人改邪歸正

年近歲晚，大家真係要小心財物！今日蔡少芬（Ada）喺微博自爆喺主題樂園被打荷包。唔知係咪掛住照顧兩個女「湯圓」同「包子」嘅關係，Ada竟然喺不知不覺間被人扒去成個銀包都唔知！雖然銀包被偷走，要申請過晒啲證件而令Ada好嬲！不過佢都好大量，仲揚言希望壞人會改邪歸正。

蔡少芬表示：「今天遇上扒手！竟然在迪士尼！我的銀包被偷了！要cut所有卡、申請身分證回鄉證！真係好嬲，世界上有好多的不辛（幸）都是從人為而來！但願那些壞人能早日做回好人，世界才能夠和平！2014我仍然感恩，這一年都是美好的！2015盼所有壞人都變好人！」