龍劍笙提夢見任姐即落淚：好記得佢嘅笑容

「任白」得意門生龍劍笙（阿刨）演出共25場《任藝笙輝念濃情》折子戲圓滿結束，阿刨在尾場淚浸戲台，教人動容。雖然任務完成，但阿刨想起戲迷的支持，淚水不禁又再奪眶而出，足證阿刨是性情中人。無論是親情和師徒情，對阿刨來說都是生命之柱，尤其談到年屆106歲的母親，她更是笑不攏嘴。

爆106歲母親長壽秘訣

儘管移居加國，但阿刨每年必回港探望年邁的母親，她說：「加拿大同香港唔太遠，十幾個鐘就到，我又掛住媽媽，所以年年都有返香港探媽媽，佢106歲喇！」雖說人生七十古來稀，但刨媽更厲害，106歲的確難得，阿刨大讚母親精靈至極，更公開刨媽長壽秘密：「媽媽好犀利，佢仲係好清醒、好精靈，佢仲係好鍾意打牌，佢識做牌，專做清一色，但要人幫佢摸，佢就做指揮，打邊隻佢就指畀你睇，好叻女。每次返嚟見佢都好開心。」

提起親情總是笑，但談到與任姐的師徒情，則是有笑有淚。阿刨表示未回港演出《任藝笙輝念濃情》折子戲前，曾兩度夢見任姐：「我返香港之前夢中見過師傅（任姐）兩次，係九月前嘅事，好記得夢中畫面，記得佢嘅笑容，叫我要努力演出！」說到此處，阿刨的淚水即徐徐落下。

讚香港是福地

阿刨在香港土生土長，面對種種變遷，依然心繫這個家，言談間更淡淡滲出香港情：「我呢度出生、呢度長大當然有無限感情，好希望香港人個個開心快樂，安定繁榮，香港係一個福地。」三份情懷三種心情，也許阿刨一生也離不開「情」這個字！