胡杏兒冇伴陪兼周身瘀

胡杏兒穿露背裝現身上水廣場倒數活動，被追問新一年是否希望搵到男朋友，杏兒靦腆指感情事不能強求，故一切隨緣。問到有否與追求者約會？她謂：「認識緊，不過一陣都係返屋企，總之落實咗唔呃你哋，依家都有幾個認識中，係圈外人嚟嘅，邊有圈內呀！(有冇出街約會？）冇呀！邊度出到，會有狗仔隊跟！」

近日忙於廣州拍攝真人騷的她，笑指對酬勞感滿意，但拍攝期間搞到周身傷，她謂：「好多瘀傷，不過都開心，個節目一月中就播，我賺嘅都係辛苦錢嚟！」

朱千雪減肥成功

朱千雪則透露近期減肥成功，靠食烚西蘭花及勤做運動成功減去8磅，體重更回復當年選美時候，不過卻慘遭新劇監製潘嘉德嫌瘦：「德哥話我得番對眼，其實上鏡就啱啱好，今次我做一個外國返嚟嘅電腦黑客，造型未知點，淨係知要落水。」