祖兒同師兄結婚順其自然

容祖兒（Joey）出席活動，問到男友劉浩龍去紅館睇騷都未有陪祖兒在文化中心倒數？祖兒笑言：「使乜陪呀，做嘢嘛！（倒數後可有去Party?）冇啦，我啱啱返香港兩日，仲有時差，去完食宵夜返到屋企就即瞓着。」祖兒訪問時不時咳嗽，她謂：「返到香港又開始咳番，可能空氣唔好。（怕唔怕影響今晚頒獎禮演出？）有得唱先算啦。不過，我都一定準備開吓聲嘅。」講到有報道指祖兒和師兄今年結婚？祖兒笑說：「呢啲咁正經問題我未思量過。（咁商量呢？）又未有喎，順其自然去啦！（師兄畀驚喜妳？）你都話驚喜，我又點會知呢！」祖兒稱今年工作上會有很多挑戰，暫時未有心思去諗感情事。」