蔡思貝化身騎警請食「牛肉乾」

前港姐蔡思貝（Sisley）近日忙於拍攝無綫劇集《當鐵馬遇上戰車》，日前她於藍田繼續開工，場口講到穿上騎警裝的她發現違例車輛，即着該車輛截停到路邊，並向對方發出告票，可是遭司機指手劃腳、破口大罵，且被一手搶走告票，受了一肚氣的Sisley面燶燶返回鐵騎離開。因拍攝時正值交通繁忙時間，巴士、小巴及泥頭車如車水馬龍，不停有車在Sisley身邊高速駛過，旁人也戥她牙煙，好在她夠專業一Take搞掂可以收工。

當記者舉機拍攝外景情況時，突然有一男場務厲聲阻止，頓令場面非常尷尬，事後Sisley接受電話訪問時為該同事解釋：「因為制服問題，唔係咁方便畀人影。」她又透露正在考電單車牌，指「兩個轆」比想像中重，問到未有電單車牌就飾演女交警可擔心危險？Sisley指現場有工作人員全程「目及」實，所以她拍得好放心。