大陸《武媚娘》Cut胸復播　網友嘲變大頭娃娃

由內地女星范冰冰、香港演員周海媚及李治廷等主演的內地劇《武媚娘傳奇》，日前因技術原因而停播，有指停播原因係劇中女演員狂騷事業線，尺度太大而被廣電總局叫停。被叫停4日後，1月1日又復播，不過一眾網友話《武》劇唔同咗風格，由之前嘅「滿屏盡是白花花」變成「滿屏都是大頭照」，想再睇女演員個白雪雪心口位都難，只得返wide shot同close-up ，似乎胸部鏡頭已被cut走，令劇中嘅靚服裝、頭飾都無法完整呈現，更有網友嘲：變成滿屏是大頭娃娃啦！」