唔怕失聲照食辣嘢

20150102
東網電視
更多新聞短片
林保全曾聲演的電影《七十二家房客》的「西瓜刨」,表示因為講嘢窒下窒下有難度。
聲演《叮噹》的無綫資深配音員林保全今早在家猝逝,他生前曾接受電台訪問,跟大家分享入行多年的經驗。他透露1971年開始為電影配音,曾為電影《七十二家房客》的「西瓜刨」配音:「配呢個角色有難度,因為佢講嘢窒吓窒吓,所以捉個口要準啲。」他又表示當年用三至四晚的時間配完一套電影:「嗰陣我哋早上要返TVB,所以我哋由夜晚七點至凌晨三點配電影。」他透露曾試過一個月內配十套電影,當時忙到沒有時間睡覺。
問到怎樣保存聲音?他謂:「冇嘢架,我照食辣嘢同飲凍嘢。」他又謂當年沒有人教怎用丹田,只靠自己在錄音室大聲叫和不斷練習。他亦謂曾因患傷風、感冒而失聲:「但唔擔心,始終會好返。」
另外,保全叔生前曾透露以前配電影如果NG了要整段再錄過:「我哋嗰陣要『守尾門』,如果最後一句配衰咗就要重頭再錄過。(有冇試過?)有。同埋直至九十年代科技先進咗先可以逐句配,壓力冇咁大,方便咗。」他亦謂最初入行要有十八般武藝:「初時要幫手做效果,好似開門、關門、行路,乜都要做,我哋係由呢啲開始。」