亞視面臨倒閉　劉錫賢嘆冇得可惜

亞洲電視財困拖欠員工薪金，事件擾攘多時，日前才發放去年十一月的半個月糧，但另外半個月的薪金及十二月人工仍未有着落。

黃守東指內部運作正常

今日是一月的第一日上班日，亞視發言人黃守東被問有否員工自願離職？他表示內部運作仍然正常，仍有九成半員工返工，但節目因人手問題會作出調動，除了日前已宣布Cut走節目《亞洲早晨》外，黃金時間的《星動亞洲》及《亞洲政策組》亦會停播，該節目時間會重播自製劇《萬家燈火》及韓劇《鄰居冤家》。

至於藝員劉錫賢返公司錄影新節目《ATV一家人》，他表示節目主要訪問亞視員工及與亞視的老朋友，發放正能量，似乎想大打溫情牌。問員工士氣？他說：「冇咩問題，仲係OK，好多人返工，唔覺少咗人。（聽到有員工話唔做？）冇喎！大家都係互相慰問近況。」劉錫賢表示跟亞視還有八個月合約，會繼續履行合約精神繼續開工，對於亞視或被檢控甚至倒閉的消息，他說：「冇辦法，要睇事態發生，冇話可惜唔可惜，要發生始終會發生。」