龍劍笙爆紅姑係粵劇迷

粵劇名伶龍劍笙（阿刨）與兩位花旦李沛妍、鄭雅琪接受電台訪問，詳談完成一連廿五場《任藝笙輝念濃情》的感受。阿刨感謝演出期間多位好友常常捧場，其中一位是大美人鍾楚紅（紅姑），阿刨透露兩人相識皆因紅姑是粵劇迷：「1991年年底，紅姑有嚟睇《俏潘安》，之後佢再嚟睇《帝女花》，我哋就做咗好朋友。」阿刨大讚紅姑好人兼愛錫老人家。

阿刨又表示不會演出任白以外的劇目：「我就係鍾意任姐嘅戲，佢哋幾大名劇都無人能及，既然咁好，點解要捨棄唔做呢？」