中咗「不瘦降」！苟芸慧減極唔瘦試斷食

藝人苟芸慧到觀塘宣傳劇集《飛虎II》時，減極唔瘦的她說：「我開始咗斷食，為期七日，今日係第二日，期間唔可以食嘢，加上我聽晚又有嘢做，所以唔可以參加大結局飯局，因為咁多好嘢食，對斷食嘅人係好殘忍！」

苟姑娘續說：「公司通知咗我可以返去聽新劇嘅故仔，但我仲未去，（你斷食為拍劇？）其實唔止大家心急，我都心急，想快啲調理好身體。之前我食西藥，容易腫，普通人或者冇所謂，但我做藝人未必咁好，又會被人打擊，盡量去用啲接受到嘅方法囉，我完咗斷食至會開劇。（身體有冇因為斷食而出問題？）我精神好好呀，過來人第話二、三日最難捱，又話會情緒上好難受，我so far冇乜嘢。」