朱咪咪天生麗質從來唔使爭仔

藝人朱咪咪在葵芳宣傳無綫劇集《八卦神探》，期間她與劇中情敵麥玲玲鬥「拗手瓜」爭奪羅樂林的歡心，更極速KO對方！咪咪姐受訪時搞笑直認天生麗質，故現實中無須爭仔：「我咁靚使咩爭！我冇外在美、但有內在美。」談到她即將舉行演唱會，咪咪姐自爆拍劇、練歌兩邊走：「準備得七七八八，要練歌同拍新劇《鬼同你OT》。（好辛苦？）chur到好辛苦，之前拍劇仲凍親搞到喉嚨痛。」