杜汶澤親自落廚為岳母預祝生日

杜汶澤同田蕊妮兩公婆恩愛就公認架啦，不過阿澤仲愛屋及烏添！佢哋兩個齊齊上傳咗日前同屋企人食飯嘅相，阿澤仲親自下廚為岳母預先慶生：「小杜大廚誠意呈獻，岳母大人預支生日。」佢咁有心，岳母當然開心，而老婆阿田更加冧爆：「今晚終於能與我至愛的家人共進晚餐，2014年在世界各地發生了很多戰爭，空難，疾病，矛盾與誤會！你永遠不知道那一次是最後一次的見面！2015年願能把愛與和平宣揚開去，就算未能感染到世界上的每一個人，至少希望能感染自己的家人與朋友！特別嗚謝小杜大廚為我們精心烹調的晚餐！謝謝你的愛！」希望佢哋2015年都繼續開開心心，拍多啲新戲同新劇，畀觀眾大飽眼福！