黎耀祥呻香港樓價貴寧願租屋

黎耀祥（祥仔）以安全駕駛大使身份出席活動，在道路向商用車司機派福袋，獲不少師奶爭相影合照，祥仔獲太太親自駕駛七人車接送。

未敢為仔仔買新車

祥仔透露自己是個守法駕駛者，但亦曾試過考牌及扣分，他說：「未衰到上庭同停牌，盡量警惕自己，好多時都係太太車我，返無綫就自己揸車多。」祥仔笑言年紀大，已過換新款車年代，他說：「反而仔仔成日同我講有咩新車，依家要同佢解釋同應付佢。（買定車畀佢？）佢已經搵我傾過，過兩年啦，始終新牌買啲萬幾蚊嚟練吓，難免會有意外。」

問到現時是否追求買樓，祥仔大呻樓價太貴，他說：「早幾年都會諗，依家太貴唔係好值，租都OK吖，平有平租，又冇壓力。」祥仔透露現時沒甚麼追求，他說：「依家好多嘢為個仔做，自己冇乜愛好，遇到好劇本、好對手已經好好，物質已經唔特別。」