台灣「敬女人」　徐若瑄親身示範女神保養術

「世界上係冇醜嘅女人，只有懶嘅女人」呢句話真係冇錯，就連女神徐若瑄（Vivian），平日都會用心保養。Vivian仲特登喺Facebook上面分享佢嘅保養之道，示範女神是如何養成的。

Vivian首先上載一張敷腳膜嘅相，並留言稱：「剛敷完腳膜～～女人們，看電視時是最好的肌肉伸展、美容時間想到就保養一下喔！」唔好以為敷完腳膜就可以收工，之後Vivian再上載一張敷唇膜嘅自拍照，仲表示：「敷唇膜！-敬女人」原來要做女神唔單只著重面部嘅保養，而身體其他細微嘅部位都要定時做保養。難忘網友都表示做女人難，但係要做女神仲難！