林峯美國過情人節　諗計向千語BB送驚喜

林峯出席nowTV原創劇《衛子夫》廣東話版記者會，對於該劇除於中央教育台播放外，亦衝出內地，將在台灣、新加坡、馬來西亞、北美等地區播出，阿峯被問到有否按地區多收片酬？他謂：「冇呀！簽約嗰時應該簽埋，不過都開心。」

美國度情人節

與總製片人劉家豪及梅小青合作反應不俗，阿峯透露二人曾邀他再合作，惟時間上未能配合，他將於3月到橫店拍攝古裝劇，預料於當地逗留3個月，屆時亦要應付大量動作，故近日已開始操身體，問到有否擔心舊患復發？他謂：「都冇問題，好少事，keep住做運動冇問題。」更指情人節將在美國度過，暫未知如何與女友吳千語慶祝，不過正諗計仔向女友送驚喜，還表示不會出席餘下兩個樂壇頒獎禮，他謂：「今年我都冇歌，依家開始做唱片，希望年尾可以有機會出席到頒獎禮，同埋入咗紙申請紅館演唱會。」

劉永話劉錫賢太肥走唔到

而同場的劉永對於娘家亞視前景茫茫，他謂：「我都好擔心，遣散晒啲人，不過我啲舊同事應該走晒，剩番肥仔劉錫賢，冇計，佢肥走唔到，係忠臣，我哋都有成日見面，對亞視前景都樂觀，應該冇問題嘅！」