素顏靚靚幫張智霖揀戰衣

張智霖與太太袁詠儀（靚靚）最近雖然頻頻離港，四出拍攝真人騷節目《一路上有你》，但近日已回港的二人，下午時段即出動，前往中環置新裝，夫婦二人與一名男友人，齊齊於該處的名店揀選心頭好，見靚靚不停為老公挑選靚衫，拿着多款黑色西裝外套給老公揀選，期間還有顧客上前要求他們合照。夫婦二人最終逗留約一小時已大有斬獲，抽着戰利品的張智霖步出時，見記者拍照即揮手打招呼，更透露特地往揀定靚衫出席頒獎禮，反觀素顏的靚靚不欲上鏡，不時躲於老公身後及低頭避鏡，張智霖見狀即與老婆匆匆上車返歸。