鍾嘉欣晒泳衣相現性感三角位：好健康！

鍾嘉欣出席皮草活動時，透露自己剛與家人及朋友到台灣、泰國等地返港，並坦言自己增磅不少，要快點減肥，她說：「因為2月14號要做李亞男姊妹，要着巫婆裝，因為件衫有啲性感、透視，要呢個月減番。（放咗旅行泳衣相上網，見到性感三角位喎！）件事係好健康嘅，我自己鍾意懷舊式嘅泳衣，高衩少少，而且藍色泳衣好靚。加上自己好耐冇自由地享受陽光與海灘。（男友有冇去？）唔講啦，去旅行，開心、充滿正能量。（點解唔着三點式？）唔知，去旅行之前揀泳衣，三點式唔啱，反而70年代嘅高衩泳衣，顯得腳好長。」另外，問到她是否會續約無綫，她表示自己與無綫尚有數年合約，故暫時無需考慮續約問題。再問她會否出席勁歌金曲頒獎典禮，她坦言會到外地工作，故未能出席。