思捷出冧招　蚊蚊重拾初戀Feel

無綫藝員萬綺雯（蚊蚊）及李思捷在劇集《八卦神探》中齊齊飾演警探，蚊蚊以犯罪心理學查案，思捷卻倚靠玄學術數，方法矛盾，兩人由歡喜冤家發展成一對戀人。現實生活中他們首次合作即非常合拍，無懼緋聞繼續Friend過打Band！

二人互笠高帽

思捷及蚊蚊訪問期間互笠高帽，思捷大讚蚊蚊超善良，凡事會先為人設想：「佢心地好好，咩都諗人先，有時買嘢畀大家食，原來啲嘢佢自己唔食得既，好窩心！（覺得蚊蚊仲有少女味？）有！佢係細路仔，我當佢小妹妹，佢感覺細過好多真係廿歲嘅女仔！」蚊蚊亦大讚思捷搞笑又有才華，並非外間認為的「Chok爆」：「佢唔Cool呀！扮型之嘛！可能係對要防範嘅人有個保護罩，其實佢只不過係低能仔，好玩得亦好照顧人，令成個劇組都好投入，而且我好欣賞佢錫屋企人呢點。」

蚊蚊重拾初戀Feel

蚊蚊表示二人在劇中的感情線有很多阻濟，令她重拾初戀感覺：「有好Sweet位，思捷會帶我溜冰，佢又專登去我樓下氹我，我哋一齊睇日落，感覺真係似初戀！」對於拍咀戲，思捷盛讚蚊蚊夠專業，反而自己較緊張，蚊蚊說：「如果我多意見又扭擰，個男仔仲慘，所以盡量一Take過拍完佢。」

思捷與蚊蚊齊聲表示自小已想當警察，今次可謂一圓兒時夢想，思捷笑說：「拍咁多年戲都想做警察，所以好興奮，好享受做幹探嘅感覺，希望繼續有得做，呢次有幾場打戲，打得好開心，我本身都有玩開泰拳嘅。」蚊蚊說：「我細個想做警察，中學就想空姐，但最終入咗娛樂圈，今次演警察算係圓夢！（多打戲？）唔多，上次拍劇整裂三條肋骨，盡可能都唔想打架啦！」