唐詩詠恭喜鄭嘉穎破「Dry」

藝人唐詩詠、黃德斌及蔡思貝到新蒲崗出席劇集《當鐵馬遇上戰車》煞科宴，詩詠抱着工作人員的愛犬Second，盡顯愛心。

詩詠表示已恭喜了被最新一期《好報》拍得在夜場喪攬巨咪女的鄭嘉穎，她說：「我恭喜咗佢啦，喺個group度。（佢點回你？）佢話：『你玩嘢呀？』佢應該識吓女仔啦，睇吓有冇得發展，佢都好耐冇拍拖，（佢Dry咗好耐？）咪係！好少嘢啫，單身男士識女仔，冇問題，係唔好彩被影到。（醉咗睇唔真女仔個樣？）酒醉三分醒，一定認得！」

詩詠又為被受網友抨擊的旅遊節目主持杜如風講好話：「我有安慰佢，其實佢之前做旅遊節目好受歡迎，TVB都需要唔同嘅聲音，唔同類型嘅主持風格。我了解佢、熟識佢，佢並冇外界睇到嗰啲問題，佢係做番真實嘅佢，甚至挖開自己畀你睇，佢係從來唔揼嘢，有一千對鞋唔出奇，而且佢自力更生，鍾意fashion又會去研究裏面嘅歷史，係好值得欣賞。」