蚊蚊愛上「季菲」：好多地方好似我

由藝員萬綺雯（蚊蚊）及李思捷主演的劇集《八卦神探》剛播放大結局，蚊蚊日前受訪時直言愛上女警員季菲這個角色，她表示很欣賞角色性格，亦與她真人頗為相似：「角色唔係咁楚楚可憐，做嘢時好堅持，同家人相處或者拍拖又會變成另一個人，好重感情，對感情不顧一切，好多地方都好似我！」

提到接連演出輕鬆喜劇，蚊蚊直言非常享受輕鬆舒服的氛圍：「之前拍過《好心作怪》，我係個悲劇人物，拍攝段過程好沉重好灰，嗰排幾負能量，麻麻地適合我，拍輕鬆劇會開心啲，但唔係一定要爆笑喜劇，希望輕鬆得嚟有人情味又生活化，咁就最好。」