陶大宇孖周董食飯？你信唔信？

陶大宇喺微博上載咗同朋友飯局嘅相，仲留言話：「坐在對面的人是周杰倫，你們信嗎？」相中，佢朋友又戴帽又着皮褸，兼低下頭玩電話，完全睇唔到個樣，又真係有幾分似周董嘅，不過究竟係唔係周董本人就得大宇先知喇！

不少網民亦留言叫大宇喺周董身上沾下結婚嘅旺氣，仲大擦偶像鞋話：「大宇哥，周杰倫和你的演技比起來，差十萬八千里，你的演技和你的帥氣，要強過他百倍，所以對面是不是周杰伦（倫），我喜歡的都是你！」Wow，大宇見到實冧晒啦！