Kendy畫功曳　Robynn變方形面

組合Robynn&Kendy（R&K）出席慈善繪畫比賽活動，更帶來了她們專輯中的插畫與大家分享，她們表示畫中的設計是源自於她們碟內的歌曲。問到她們是否對繪畫有一手？Robynn隨即忍不住取笑Kendy的畫功：「Kendy細個畫畫係攞F嘅，我曾經都見識過，之前佢要畫我，我以為佢會畫得好靚，但唔知點解佢畫到我塊面係方形嘅！」而Kendy就笑言自己是走抽象派，之後又大讚Robynn的畫功：「佢畫我係畫得勁靚！」問到Robynn會否考慮自己畫專輯的插畫時？她說：「我覺得畫畫嘅天分都畀晒我家姐，我只有遺傳到音樂上嘅嘢，不過下隻碟可以試下畫嘅。」

R&K提到之前到台灣出席活動，但因即日來回所以未能在當地購物和品嘗美食：「好彩有同事買珍珠奶茶畀我哋，同埋第一次有香港Fans接我哋機！」她們又表示希望可以到更多不同的地方分享音樂，最希望可以用音樂去幫助更多的人，兩人不時亦會參與一些慈善探訪活動，而Robynn更透露有助養一個馬拉維的男童：「我助養咗一年左右，佢依家四歲，仲未識寫信，我好期待有一日會收到佢寫嘅信！同埋依家聽到Patrick呢個名都覺得好有親切感，因為佢叫Patrick！（會唔會作曲畀佢？）我之前都作過一首歌畀我教過嘅自閉症小朋友。」