台灣拍拖　黑人帶大肚范范行街街

懷有雙胞胎嘅台灣藝人范瑋琪（范范）預產期喺今年2、3月，范范已經睇定育嬰書迎接BB嘅來臨，一向係「愛妻號」嘅老公陳建州（黑人）唔想范范悶親，仲不時會做柴可夫帶范范去街，黑人喺微博上載范范喺車上嘅合照，仲感恩咁話:「邁入第33週了～一切平安最重要！感謝上帝的眷顧， 讓我們還可以到處趴趴走～」見精神奕奕嘅范范同黑人都笑容滿面，網民見到都大讚二人超幸福，不過黑人喺揸車期間影相，雖然架車停低咗，但都要留意交通情況，睇住范范啊！