馬國明對視帝冇期望　北望神州賺人仔

藝人馬國明接受電台訪問，問到入行十五、六年的他對奪視帝有期望嗎？他表示：「唔係好期望，我做人隨遇而安，唔強求。」他亦謂想北上拍劇，因為能跟更多導演和演員合作，而且價錢吸引。孝順的他亦透露現時仍跟家人同住。

至於感情方面，馬明則謂：「尋覓吓先，不過依家唔只記者犀利，人人都有鏡頭，所以要約會都好難，好易畀人影到。」而問到馬明跟哪個合作過的女星最夾？他表示是楊怡：「我同佢諗嘢好似，有啲人天生做嘢就好夾。（揀女友係咪都想搵個好似楊怡咁爽朗？）我都鍾意爽朗，同有少少嗲，但唔好嗲得太犀利，最好獨立少少。」